Pages
Wednesday, February 29, 2012
लाभले आम्हास भाग्य बोलतो मराठी..
लाभले आम्हास भाग्य बोलतो मराठी ।
जाहलो खरेच धन्य ऐकतो मराठी ।
धर्म,पंत,जात एक जाणतो मराठी ।
एवढ्या जगात माय मानतो मराठी ।
आमुच्या मनामनात दंगते मराठी ।
आमुच्या रगारगात रंगते मराठी ।
आमुच्या उराउरात स्पंदते मराठी ।
आमुच्या नसानसात नाचते मराठी ।
आमुच्या पिलापिलात जन्मते मराठी ।
आमुच्या लहानग्यात रांगते मराठी ।
आमुच्या मुलामुलीत खेळते मराठी ।
आमुच्या घराघरात वाढते मराठी ।
येथल्या फुलाफूलात हासते मराठी ।
येथल्या दिशादिशात दाटते मराठी ।
येथल्या नगानगात गर्जते मराठी ।
येथल्या दरीदरीत हिँडते मराठी ।
येथल्या वनावनात गुंजते मराठी ।
येथल्या तरूलखात सादते मराठी ।
येथल्या कळीकळीत लाजते मराठी ।
येथल्या नभानमधुन वर्षते मराठी ।
येथल्या पिकांमधुन डोलते मराठी ।
येथल्या नद्यांमधून वाहते मराठी ।
येथल्या चराचरात राहते मराठी ।
पाहुने जरी असंख्य पोसते मराठी ।
आपुल्या घरीच हाल सोसते मराठी ।
हे असे कित्येक खेळ पाहते मराठी ।
शेवटी मदांध तख्त फोडते मराठी ।
लाभले अम्हास भाग्य
बोलतो मराठी जाहलो खरेच धन्य
ऐकतो मराठी धर्म, पंथ, जात एक
जाणतो मराठी एवढ्या जगात माय
…
No comments:
Post a Comment
Newer Post
Older Post
Home
Subscribe to:
Post Comments (Atom)
No comments:
Post a Comment